نهضاوي ثورجي..متاع المحاسبة

السيد هذا فاق نهار 15 جانفي وقال " وكان نولي ثوري حتى إنا، ياخي لكلاو طريحة خير مني " من وقتها سيب الكورة والبرمسبور وبدا يتبع في السياسة ! ملقاش شكون يتبع ؟ قال " الجماعة المروحه من لندرة كيفي فاقو كان نهار 15، يلزمني إنتباعهم " الحاصيلو ولا نهضاوي : تجريم التطبيع ، محاسبة أزلام النظام السابق والدفاع على ربي ! هذا البرنامج !
وخينا ضربة ضربتين ولا يقلك إنت الثورة المضادة ، إنت من الأزلام ، وسؤالو المخير هوا أين كنتم قبل 14 جانفي..أيه بكل رقعة ! وحتى بعد بعام لافما محاسبة لاوالو : القناصة بلعتهم الأرض ، سيدة عڨربي تأخذ الجوائز بأسم تــــــــــــــونس ، التكاري،الزواري وقيس بن علي أبرياء ، الماطري يحوس في قارة جديدة إسمها السيشال ، بلحسن قاتلو البرد في الكندا والأقوى سي الخليفة السادس يقلك علاقتنا مع السعودية أهم من بن علي ههه !
صديقنا الثورجي شكون قعدلو ؟ سامي الفهري وكمال لطيف باش هكاكة ينجم يقول " والله هذي أقوى حكومة "