2012..ماتعودش صنعتك !

على المجال شخصي ولا على المجال الوطني 2012 كان كارثة ، تقولشي المايا عاملين بالعاني ! على المجال الشخصي ، أنا شعرة لا مت ، العام تعدالي سلاطة ! نتعدى للمجال الوطني إلي يهمكم ! محسوب كان مت باش تبكيو عليا !! أش صار في  البلاد عام 2012 ؟ أقوى حكومة بدات تخدم على روحها..أيه ومن بعد ؟ ..آ ربي يعينها : جابت الحليب من سلوفينيا والعلوش من رومانيا ! جاك شوية ؟ ِتماهو تواصل الحضارات ! علوش روماني يبعبع في تونس ! يقوى عليك ربي ياأقوى حكومة ! المجلس التأسيسي كتب سطرين في الدستور :" الدستور التونسي " نقطة أرجع للسطر ! أما كيما المجلس مايكثبش ، النقابة ماتضربش ! هوكا هيبت شوية بركه ، والزوالي ليه ربي وخي ! الزوالي إلي سرقولو ثورتو هبط للشارع بحجر مستورد ، أما والي سليانه ماقالش الحجر تشرى بالعملة الصعبة ولا لا ! بعد إستقبال، سيدي بوزيد ، الطرطور عمل كيف بحلوة توزر ، إنتاج محلي ، فرد وقت
وزيرة المرأة تعمل في تصاور مع صباط ليلى ..شكون قال إنوالصباط مايعملش تصويرة مع شلاكة ؟ تي الحاصيلو هذا ملخص 2012 في إنتظار تشليكة حكومية جديدة ! دمتم في رعاية الله ، وكل عام وأنتم بائسون..أه قصدي طيبون