حكاية نهضاوي بطال

هوا عندو 30 سنه ، بطال عندو 5 سنين :يعني ملي تخرج مل الكلية ، عمرو ماخدم على خاطر عندو شهادة من الكلية ! الفرنساويه والأنڨلزيه متاعو تاعبين شويه أما عمرو ماحل كتاب باش يتحسن على خاطر عندو شهادة من الكلية ! كل نهارفي القهوة : باكو دخان وقهيوة كابوسان ، صحابو يبداو يسمعوا فيه على خاطر عندو شهادة من الكلية ! يقللهم أنو ماهوش نهضاوي ، أما يحضر في مسيرات النهضة و نهار 23 أكتوبر إنتخب النهضة على خاطر إذاهوا قعد بطال هذاك في جرت النساء إلي خذولو بقعتو! بعدها بعام ماعاتش تسمع حسو في القهوة على خاطر أختو إلي ما عندهاش شهادة من الكلية ،طردوها من الخدمة بعد ما المعمل الي تخدم فيه قيد فلسة ووخينا ملقاش شكون يصرف عليه باكو دخان وقهيوة كابوسان وقعد في الدار هوا والشهادة ..متاع الكلية !